صَلَّي اللَّهُ عَلي حَبِيبِه سَيدنَا مُحَمدٍ وَ آلِهِ وَسَلَم

‭BBC Urdu‬ - ‮ادارہ جاتی‬ - ‮وِجٹ کو دوسرے پلیٹ فارمز پر اِنسٹال کیجیے‬

2011-03-04T15:20:00.000+05:00

‭BBC Urdu‬ - ‮ادارہ جاتی‬ - ‮وِجٹ کو دوسرے پلیٹ فارمز پر اِنسٹال کیجیے‬

موقع روح الإسلام

2011-03-01T22:05:00.000+05:00

موقع روح الإسلام

تعارف خزائن الہدایت 2.0

2011-02-26T09:23:00.005+05:00

تعارف خزائن الہدایت 2.0

اللہ تبارک و تعالٰى کا احسانِ عظیم ہے کہ ہمیں اس ذاتِ برحق نے دینِ مصطفٰی صلی اللہ علیہ و سلم کی خدمت کا دوبارہ شرف عنایت فرما کر اولیاء و علماءِ امّت کا فیضان عوام میں عام کرنے کی سعادت بخشی۔ خزائن الہدایت کا دوسرا ایڈیشن ۷ (سات) ماہ کے قلیل عرصے کے بعد ریلیز کرتے ہوئے ہم ربّ العالمین کا جتنا شکر ادا کریں کم ہے۔ آپ کے علم میں ہوگا کہ جنوری ۲۰۱۰ میں ہم نے خزائن الہدایت کا پہلا ایڈیشن متعارف کیا تھا جسے اللہ ربّ العزت نے کامرانیوں و کامیابیوں سے ہمکنار کرنے کے لئے دنیا کے کئی خطوں میں اس کی تشہیر کے حیرت انگیز اسباب تخلیق فرما کر ہماری غیبی امداد کا سلسلہ جاری رکھا۔ سافٹویئر خزائن الہدایت کو کئی جیّد علماء کرام بشمول ہمارے شیخ سیّد شاہ تراب الحق قادری دامت بارکاتہم العالی کے حضور بھی پیش کیا گیا، جسے نہ صرف انہوں نے سراہا بلکہ اپنی علمی بصیرت کے شایانِ شان سافٹویئر کی بہتری کے لئے مشورے بھی فراہم کئے اور آئندہ پیش آنے والی مشکلات کے حل کے لئے اپنی امداد کی یقین دہانی بھی کروائی۔ ہمیں یہ اعلان کرتے ہوئے خوشی ہے کہ اول روزِ اشاعت سے اب تک خزائن الہدایت کم و بیش ۹۵ ممالک میں قرآنِ کریم کی تلاوت و تحقیق کی غرض سے استعمال ہوا ہے۔ انہی استعمال کنندگان کی طرف سے موصول ہونے والے پُر لطف کلماتِ آفرین اور قیمتی آراؤں نے ہمیں سافٹویئر کا دوسرا ایڈیشن متعارف کروانے پر بضد کیا۔ صارفین کی تجاویز اور پچھلے ایڈیشن میں کیے گئے ہمارے کچھ وعدوں کی تکمیل کی صورت میں اس دوسرے ایڈیشن میں مندرجہ ذیل خصوصیات شامل کی گئی ہیں۔

٭ مزید تراجم و تفاسیر شامل کرنے کی سہولت کا اضافہ

٭ سرچ انجن میں منفرد سہولت کا اضافہ

٭ عثمانی نسخۂ قرآن کی شمولیت

٭ تفسیر ابن کثیر و تفسیر جلالین (عربی) کی شمولیت

٭ صفحۂ اول میں اصلاحات

٭ متنِ قرآن (برّصغیری رسم الخط) میں اصلاحات

٭ جدید ٹیکنالوجی کو بروئے کار لاتے ہوئے قرآنی فانٹز میں اصلاحات

مزید تراجم و تفاسیر شامل کرنے کی سہولت کا اضافہ

اس سہولیت کی شمولیت کے لئے ہمیں روزِ اول سے ہی درخواستیں موصول ہونا شروع ہو گئی تھیں۔ قرآنِ کریم کی باریکیوں اور انٹرنیٹ پر موجود بے پناہ غیر معتبر مواد کے پیش نظر پہلے تو ہم اس فیچر کی شمولیت کے قائل نہ تھے لیکن روز بروز موصول ہونے والی اس درخواست کو نظر انداز کرنا بھی آسان نہ تھا، بالآخر انتہائی غور و فکر کے بعد مشروط طور پر اس فیچر کو اس انداز سے شامل کر لیا گیا کہ استعمال کرنے کی اہلیت رکھنے والے افراد انشاء اللہ محتاط بھی ہونگے۔ ابتدائی طور پر اس فیچر کو استعمال کرتے ہوئے ہم نے سافٹویئر میں عثمانی نسخۂ قرآن، تفسیر ابنِ کثیر و تفسیر جلالین کو شامل کیا ہے۔ اس فیچر کے تحت شامل کی جانے والی تازہ ترین مکتوبات انشاء اللہ مسلسل سافٹویئر کی ویب سائٹ پر پیش کی جاتی رہیں گی تاکہ صارفین انہیں ڈاؤنلوڈ کر کے اپنے کمپیوٹر میں نصب کردہ خزائن الہدایت میں با آسانی امپورٹ کر سکیں۔

اس فیچر کو استعمال کرنے کے لیے مطلوبہ مواد کو پہلے خاص انداز سے مرتب دے کر ایک XML فائل بنانا پڑتی ہے۔ فائل کے مخصوص انداز کی رہنمائی کے لئے کچھ معلومات خزائن الہدایت میں تحریر کی گئی ہیں باقی عثمانی نسخۂ قرآن کو امپورٹ کرنے کے لئے جو فائل ہم نے ترتیب دی ہے، کو بھی شاملِ مواد کیا گیا ہے تاکہ دلچسپی رکھنے والے افراد اس فائل کو دیکھتے ہوئے اپنے مطلوبہ متن کو بھی اسی ترتیب سے مرتب کر سکیں۔ اس فیچر کو استعمال کرنے کے لئے جو XML فائل بنائی جائے گی، اُس کی ہر ممکنہ طریقہ سے ریلیز کرنے پر ہماری طرف سے قطعی ممانعت ہے ما سوا اس کے کہ فائل کو آپ ہمیں ارسال کر دیں تاکہ ہم فائل کی تحقیق و جانچ پڑتال کے بعد اسے دوسرے صارفین کی سہولت کے لئے سافٹویئر کی ویب سائٹ پر مہیا کر سکیں۔ فائل بنانے والے فرد کو ہماری طرف سے فائل کو صرف اپنے ذاتی استعمال کی اجازت ہے، اپنی فائل کے ساتھ خزائن الہدایت کو شامل کرنے سے پہلے تحریری اجازت نامہ حاصل کرنا ضروری ہے۔

سرچ انجن میں منفرد سہولت کا اضافہ

محققین کی سہولت کے لئے سرچ انجن میں مزید ایک آپشن شامل کیا گیا ہے جس کے ذریعے سرچ شدہ تمام آیات کا ترجمہ یا تفسیر بھی رزلٹ کے ساتھ ظاہر کیا جا سکے گا۔مثال کے طور پر پہلے ایڈیشن میں ہم یہ تو سرچ کر سکتے تھے کہ پورے قرآن میں کلمات ﴿یٰایھا الذین اٰمنو) کہاں کہاں وارد ہوئے ہیں مگر حاصل شدہ آیات کا مفہوم حاصل کرنے کے لئے الگ الگ تحقیق کرنا پڑتی تھی۔ اس نئے آپشن کے بعد اب یہ سہولت حاصل ہو گئی ہے کہ عربی متنِ آیات کے ساتھ ساتھ استعمال کنندگان اردو ترجمہ بھی اسی اسکرین پر رہتے ہوئے حاصل کر سکیں گے۔ اسی آپشن سے ایک اور فائدہ جو حاصل کیا جا سکتا ہے وہ یہ کہ مثلا اگر کسی کو جستجو ہو کہ دیکھیں، مترجم نے عربی کلمات ﴿کُتِبَ علیکم(جو کہ پورے قرآن میں ایک سے زائد بار وارد ہوئے ہیں)﴾ سے مختلف آیات میں کیا معنی لیے ہیں تو اس آپشن کو استعمال کرتے ہوئے اغراض و مقاصد حاصل کیے جا سکتے ہیں۔ یہ دو مثالیں صرف آپشن کو سمجھانے کے لئے تحریر کیں ہیں اگرچہ متنِ قرآن و تراجم و تفاسیر وغیرہ کی مشترکہ تحقیق کے لئے اس آپشن سے انگنت فوائد حاصل کیے جا سکتے ہیں۔

صفحۂ اول میں اصلاحات

خزائن الہدایت کے صفحۂ اول میں بھی چند اصلاحات کی گئی ہیں، جن میں سرِ فہرست سہولیات تک آسان رسائی کے لئے صفحہ کے اوپری حصہ میں مختلف بٹن کی شمولیت ہے۔ مزید حصۂ متن میں منتخب کردہ رکوع سے متعلق چیدہ چیدہ معلومات کو سرخیاں لگا کر مزید وضاحت سے ظاہر کیا گیا ہے۔ اس کے علاوہ ہر نیا پارہ شروع ہونے پر پارہ کی پہلی آیت کے ابتدائی کلمات کو انوکھے انداز سے پیش کیا گیا ہے تاکہ بوقتِ تحقیق و قرأت، قاری مطلع ہو سکے۔ چند نئی تھیمز کی شمولیت کے ساتھ ساتھ کچھ دیگر اصلاحات بھی عمل میں لائی گئی ہیں۔

متنِ قرآن (برّصغیری رسم الخط) میں اصلاحات

استعمال کنندگان کی نشاندہی اور متن کی مزید کئی بار انسانی و مشینی پروف ریڈنگ کے دوران پورے متن میں کچھ نہ کچھ اصلاحات کی گئی ہیں۔ ان اصلاحات میں کچھ غلطیوں کا ازالہ اور (فانٹز میں ہونے والی تبدیلیوں کی بناء پر) لکھنے کے طریقہ کار میں تبدیلیاں دونوں شامل ہیں، جس کے بعد خزائن الہدایت کے اس ایڈیشن میں موجود متن برّصغیری رسم الخط پر ۹۹ فیصد اعتبار کیا جا سکتا ہے۔ متن میں ہونے والی اصلاحات کے پیشِ نظر گنتی کے نظام میں بھی کچھ اصلاحات کی گئی ہیں۔ اُن تمام صارفین کہ جنہوں نے پہلے ایڈیشن سے متن اخذ کر کے کہیں استعمال کیا ہو، سے گذارش کی جاتی ہے کہ اپنے بنائے گئے سافٹویئر، ویب سائٹ، کاغذات و فائل وغیرہ کو اس ایڈیشن کے متن سے اپ ڈیٹ کر لیں۔

جدید ٹیکنالوجی کو بروئے کار لاتے ہوئے قرآنی فانٹز میں اصلاحات

جیسا کہ آپ احباب کے علم میں ہے، نسخۂ برّ صغیری رسم الخط کو خزائن الہدایت میں ہو بہو ظاہر کرنے کے لیے دنیا کے مختلف حصوں میں موجود خالص خدمتِ دین کا جذبہ رکھنے والے،عربی و اردو فانٹ سازی کے ماہرین کی مدد سے سافٹویئر کے لیے خصوصی فانٹز تیار کیے گئے تھے۔ ان فانٹز (القلم قرآن اور القلم قرآن مجید) کو بھی جدید تقاضوں سے ہم آہنگ کرنے کے لیے مسلسل فنی اصلاحات کی جاتی رہی ہیں تاکہ پاک و ہند اور دنیا کے کئی دوسرے خطوں میں مروّجہ نسخۂ قرآن (برّصغیری رسم الخط) کو خزائن الہدایت کے ساتھ ساتھ دیگر معروف سافٹویئر مثلاً مائیکروسافٹ آفس، انٹرنیٹ ایکسپلورر، ایڈوب اِن ڈیزائن، فائرفاکس وغیرہ پر بھی اپنی تمام تر خوبصورتیوں کے ساتھ ظاہر کیا جا سکے۔ اس ضمن میں موجودہ تمام تر جدید وسائل کو بروئے کار لاتے ہوئےالقلم قرآن اور القلم قرآن مجید فانٹز کے بھی دوسرے ایڈیشن ریلیز کیے جا رہے ہیں۔ ساتھ ہی خزائن الہدایت عربی اردو کی بورڈ کا تجدید شدہ ایڈیشن بھی شامل ریلیز ہے۔

ہماری روزِ اول سے ہی خواہش تھی کہ سافٹویئر میں مزید اردو تراجم و تفاسیر کو شامل کیا جائے مگر ان مکتوبات کے پبلشنگ اداروں کے ذمّہ داران سے ہمارا رابطہ نہ ہوسکنے کی بناء پرموجودہ ایڈیشن میں بھی ہم یہ اضافہ کرنے سے قاصر رہے۔ اس ضمن میں ہمارے تمام خیر خواہوں سے ایک بار پھر التماس کی جاتی ہے کہ اگر آپ کے پاس معروف و مستند تراجم و تفاسیر (خصوصاً جدید اردو ترجمۂ قرآن از علامہ ریاض حسین شاہ صاحب، تفسیر ضیاء القرآن، اردو ترجمۂ تفسیر ابنِ کثیر از پیر محمد کرم شاہ الازھری رحمۃ اللہ تعالی علیہ) کا متن (ٹیکسٹ) موجود ہو یا آپ کسی پبلشنگ ادارے سے یہ مواد حاصل کر کے ہمیں فراہم کر سکتے ہوں تو ضرور اس کارِ خیر میں ہمارا ساتھ دیں تاکہ انہیں بھی شاملِ مواد کر کے سافٹویئر کو اس کے نام سے ذیادہ سے ذیادہ مطابقت دی جا سکے۔

خزائن الہدایت کی تشہیر، اشاعت و تقسیم

سافٹویئر خزائن الہدایت ہماری ویب سائٹ پر بالکل مفت ڈاؤنلوڈ کے لیئے دستیاب ہیں، ادارہ استعمال کرنے والوں اور اسے شائع کرنے والوں سے کوئی رقم وصول نہیں کرتا نہ کسی کو یہ حق دیتا ہے کہ اس سافٹویئر یا اس کے کسی بھی مواد کو استعمال کرتے ہوئے خطیر رقم وصول کریں۔ سی ڈی ریلیز و فروخت کرنے والے ادارے و افراد اپنے عمومی نفع کے ساتھ فروخت کر سکتے ہیں۔ اس سافٹویئر کا مجموعی حجم تقریباً ایک سی ڈی کی سائز کے برابر ہے جسے یقیناً سست رفتار انٹرنیٹ استعمال کرنے والے آسانی سے ڈاؤنلوڈ نہیں کر سکتے، اس ضمن میں سی ڈی ریلیز کرنے والے اداروں سے خاص گذارش کی جاتی ہے کہ اس سافٹویئر کی جتنی ذیادہ تعداد میں ممکن ہو سکے تشہیر کے خصوصی اہتمام کے ساتھ سی ڈی ریلیز کریں تاکہ اس سافٹویئر کی ہر طبقہ کے افراد تک آسان رسائی ممکن ہو۔ مزید بک اسٹال والے بھی اگر ممکن ہو تو اسے ہم سے (قیمتاً بغیر نفع) یا سی ڈی ریلیز کرنے والے اداروں سے خرید کر اپنے اسٹالوں پر مناسب قیمت پر فروخت کے لئے رکھیں۔ اس سافٹویئر کی تشہیر کے لیئے ہمارے پاس بڑی سائز میں اشتہار بھی دستیاب ہیں جنہیں اپنے اسٹالوں پر آویزاں کرنے کے لیئے ہم سے (قیمتاً بغیر نفع) منگوا سکتے ہیں یا اگر زیادہ تعداد میں درکار ہو تو ہماری ویب سائٹ سے فائل ڈاؤنلوڈ کرکے چھپوا سکتے ہیں۔

اسلامی تنظیمیوں اور عوام سے بھی اپیل کی جاتی ہے کہ خزائن الہدایت کی جتنی ممکن ہو سکے نقل (کاپی) سی ڈی بنا کر اپنے دوست، احباب و دیگر میں تقسیم کرکے یا اس سافٹویئر کی تشہیر مندرجہ ذیل ذرائع سے فرما کر تبلیغ دین کے اس مشن میں ہمارا ساتھ دیں۔

٭ اخبارات، کتب و رسائل میں اس سافٹویئر کے اشتہارات

٭ اپنی ویب سائٹ پر اس سافٹویئر کی تشہیر

٭ انٹرنیٹ فورمز، بلاگز اور ڈاؤنلوڈ پورٹلز پر اس سافٹویئر کا تعارف

٭ ای میل و ایس ایم ایس کے ذریعے اپنے دوست و احباب میں اس سافٹویئر کا تعارف

٭ اور پرنٹ و الیکٹرانک میڈیا سے اس سافٹویئر کی خصوصی تشہیر کی درخواست کی جاتی ہے

آخر میں آپ سے گذارش ہے کہ مطالعہ کے دوران اگر کہیں کوئی غلطی یا خامی ملاحظہ کریں تو ادارے کو اس سے ضرور مطلع کریں۔ آپ کی قیمتی آراء اور راہنمائی میں خوب سے خوب تر کی جستجو میں ہمارا سفر جاری رہے گا۔ انشاء اللہ تعالٰی

شکریہ

آپ کے تعاون اور دعاؤں کے متمنی

Cleantouch Software Corporation

http://www.cleantouch.com.pk

http://www.khazainulhidayat.com

info@khazainulhidayat.com

Pasted from <http://www.khazainulhidayat.com/kh2.htm>

تعارف خزائن الہدایت 2.0

2011-02-26T09:23:00.000+05:00

مظہر الایمان شریف کامل

2008-03-27T01:00:00.001+05:00

This is complete book of Mazha-ul-Iman, easy to doqnload and read.

Loh 3 Allah

2008-02-28T00:35:00.001+05:00

Loh 3 Allah
Originally uploaded by Saleemnoori

ھمارا مشن

2008-02-03T09:32:00.000+05:00

ھمارا مشن

اب جبکہ یہ بات ثابت اور طے شدہ ھے کہ دنیا و عقبی کی بھلائی اور کامیابی کا تمام تر انحصار صرف اور صرف روح کی تقویت پر ھے، میں نے ایک بات بڑی شدت سے محسوس کی ھے کہ انسان اگرچہ کہ دین فطرت پر تخلیق کیا گیا ھے۔ نیکی کی رغبت اور برائی سے نفرت اس کے خمیر میں شامل ھے۔ لیکن ھم اکثر اس کے برعکس حالات دیکھتے ھیں کہ انسان نیکی کی رغبت ھوتے ھوئے بھی نیکی کرنے میں سستی اور تساھل سے کام لیتا ھے اور برائی سے بچنے کی شدید خواھش کے باوجود برائی کا ارتکاب کرگزرتا ھے۔ یہ صورت حال روح کی کمزوری اور نفس کے غلبے کی علامت ھے۔ جس شخص کی روح قوی اور تندرست ھوگی نماز، روزہ، حج، زكوة اور دیگر اوصاف حمیدہ اور کارھائے پسندیدہ اس کے لئے آسان ھو جاتے ھیں۔ اور جس شخص کی روح بیمار اور کمزور ھو اس کا نفس سرکش اور غالب ھوتا ھے۔ یہی کام اس کے لئے ناگوار، بھاری اور تکلیف دہ بن جاتے ھیں۔
لهذه جب تک انسان کی روح قوی اور تندرست نہیں ھوگی اسلامی شعائر و اقدار پر کما حقّہ عمل پیرا نہیں ھوسکتا۔ اور نه هی اس کے ثمرات سے مکمل طور پر بہرہ ور ھوسکتا ھے۔ یہی وجہ ھے کہ ھم اکثر دیکھتے ھیں ایک شخص نماز، روزہ وغیرہ اسلامی ارکان کی پابندی بھی کرتا ھے۔ لیکن ان کے ساتھ ساتھ گناہ اور برائی کے ارتکاب سے بھی محفوظ نھیں رہ سکتا۔ اس کی اصل وجہ یہی ھے کہ ایسا شخص روحانی طور پر بیمار ھے۔ اور جس طرح ایک مریض کے لئے مقوّی غذائیں بجائے فائدے کے نقصان دہ ثابت ھوتی ھیں اور جب تک مریض مکمل طور پر تندرست نہ ھو جائے مقوّی اور قوّت بخش غذائیں اس کے لئے نفع بخش نھیں ھوتیں۔ بعینہ اسلامی ارکان جو کہ دراصل روح کی تقویت کے لئے روح کی مقوّی غذا کی حیثیت رکھتے ھیں ان کے لئے روحانی بیماری میں اضافے کا باعث بن سکتے ھیں۔ جب تک انسان کے قلب اور روح تندرست نہ ھوں اس کے نماز، روزہ اور دیگر اعمال کا فائدہ غیر یقینی ھے۔
1۔ ذکر قلبی: روح کی بیماری دور کرنے کے لئے اور احکام شرعی کی مکمل بجا آوری اور ان کے فیوض و برکات اور ثمرات سے پوری طرح بہرہ ور ھونے کے لئے قلبی اصلاح کی ضرورت ھے۔ جب تک قلب درست نھیں ھوگا روح تندرست نھیں ھوسکتی۔ اور قلب کی درستی کے لئے ذکر کے بغیر کوئی چارہ نھیں۔ ذکر کی بے شمار اقسام موجود ھیں لیکن قلب کی اصلاح قلبی ذکر کے بغیر ممکن نھیں۔ ارشاد باری ھے۔ أَلَا بِذِكْرِ اللَّهِ تَطْمَئِنُّ الْقُلُوبُ (سورة الرعد۔ 28) 'یاد رکھو اللہ کے ذکر سے قلب کو اطمینان حاصل ھوتا ھے۔ یعنی قلب کی اصلاح اور نفس کی سرکشی کو دور کرکے نفس مطمئن حاصل کرنے کے لئے جس کی ضرورت ھے وہ قلبی ذکر کے سوا کوئی ذکر نھیں ھوسکتا۔ قرآن پاک میں یہ ارشاد باری کہ وَاذْكُرْ رَبَّكَ فِي نَفْسِكَ تَضَرُّعًا وَخِيفَةً وَدُونَ الْجَهْرِ مِنَ الْقَوْلِ (سورة الأعراف۔ 205) "اور اپنے رب کو یاد کرو زاری اور ڈر سے اور بے آواز نکلے زبان سے” ذکر قلبی کی تائید کرتا ھے۔
اسلامی ارکان کی بجا آوری میں کوتاھی اور سستی اور ان ارکان کے ثمرات سے پوری طرح مستفید نہ ھونے کی اصل وجہ ذکر قلبی سے دوگردانی ھے۔ اسی لئے حضرت مجدّد الف ثانی رحمۃ اللہ علیہ فرماتے ھیں کہ جب تک قلب ذاکر نہ ھوجائے، سوائے فرائض و سنّت مؤکّدہ کے نفلی عبادات سے گریز کیا جائے۔ یہ دیکھتے ھوئے کہ نماز، روزہ اور دیگر اسلامی ارکان و اقدار اوّل تو آج اکثر لوگوں کے لئے ان کی بجا آوری ھی مشکل ھے یا اگر کوئی یہ احکامات بجا لاتا ھے تو ان کے فیوض و برکات سے پوری طرح بہرہ مند نھیں ھوپاتا، میں نے اسے اپنا مشن قرار دیا ھے کہ قلبی ذکر سے قلب کی اصلاح کی جائے۔ جب قلبی ذکر سے قلب مطمئن ھوجاتا ھے اور اس کے عوارض ختم ھوجاتے ھیں تو نفس امّارگی کو چھوڑ کر نفس مطمئنّہ بن جاتا ھے۔ اللہ اس سے راضی ھوجاتا ھے اور وہ اللہ سے ھوجاتا ھے۔ تمام اسلامی ارکان و احکامات اس کے لئے سہل اور نفع بخش ھو جاتے ھیں اور برائیاں اس کے لئے روحانی کرب اور اذیّت کا سبب بن جاتی ھیں۔ اس لئے ان کا ارتکاب دشوار ھوجاتا ھے۔ اس کا جی چاہتا ھے کہ میں اسلامی ارکان کو بجا لاؤں اور ان سے محبّت اور انس پیدا ھو جاتا ھے۔
2۔ صحبت شیخ: ذکر قلبی کیسے اور کہاں سے حاصل کیا جائے؟ اس سلسلے میں ارشاد باری تعالی ھے فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ (سورة النحل۔ 43 اور سورة الأنبياء۔ 7) "پس تم اھل ذکر سے سوال کرو جو کچھ تم نھیں جانتے” قلبی ذکر کی تحصیل و تکمیل شیخ کامل کی صحبت اور تربیت کے بغیر ممکن نھیں۔ کیونکہ قلب کی فوری اصلاح اور نفس کی سرکشی کا مکمل اور فوری علاج شیخ کامل کے سوا کچھ نھیں۔ شیخ کامل اپنی قوی روحانیت سے اپنے عقیدت مند کے قلب اور روح میں جلا پیدا کرتا ھے۔ اور اپنے شیخ کی صحبت میں رہتے ھوئے چونکہ اسے اپنے نفس کی حکمرانی کی بجائے اپنے شیخ کی مرضی کا تابع ھونا پڑتا ھے جس سے اس کا نفس سرکشی ختم کرتا جاتا ھے اور روح کی کمزوری اور بیماری کا باعث بننے والے عوامل دم توڑنے لگتے ھیں۔ ایک ماھر طبیب کی طرح شیخ کامل اپنے پیرو کے حالات کے مطابق اسے جو ذکر تجویز کرے وھی ذکر اس کی قلبی اور روحانی اصلاح کا ذریعہ بن سکتا ھے۔
3۔ درود پاک: ذکر قلبی کی طرف قلب کو راغب کرنے کے لئے اگر کثرت سے درود پاک پڑھا جائے تو انتہائی مفید و مؤثّر ھے۔ اس سے نہ صرف ذکر قلبی آسان ھو جائے گا بلکہ شریعت کے عوامل کو بجا لانا بھی آسان اور باعث فرحت و انبساط ھو جائے گا۔ اور انسان کا جی چاہتا ھے کہ میں قلبی ذکر سیکھوں۔ بہتر یہ ھے کہ شروع میں درود پاک کا ایک لاکھ ورد کیا جائے۔ اس سے حضور نبی کریم صلی اللہ علیہ وسلم کی توجّہ اور شفقت حاصل ھوتی ھے۔ جب حضور صلی اللہ علیہ وسلم کی توجّہ نصیب ھوجائے تو پھر انسان کے لئے راہ راست پر چلنا سہل ھوجاتا ھے۔ درود پاک کی کثرت سے انسان کے گناہ اور خطائیں معاف کر دیئے جاتے ھیں اور قرب الہی میں بلند مقامات نصیب ھوتے ھیں۔ لہذہ ھمارا مشن اسلام کی حقیقی روح کو سمجھنے، اے پر عمل پیرا ھونے اور اس کے فیوض و برکات سے مکمل طور پر بہرہ ور ھونے کے لئے بنیادی ستون کی حیثیت رکھتا ھے جس کے بغیر کوئی عمل اور کوئی نیکی قابل اعتبار نھیں۔ آئیے! کیوں نہ ھم وہ طریقہ اختیار کریں جس سے روح کو غلبہ اور تقویت دینے والے کام آسان ھوجائیں اور نفس اور نفسانی خواھشات مغلوب ھوکر رہ جائیں۔

شیخ سے ہمیں کیا چاہیئے

2008-02-03T09:27:00.000+05:00

شیخ سے ہمیں کیا چاہیئے

ھر شخص اپنے زوال سے کنارہ کشی، اجتناب اور برائی سے بچنا چاہتا ھے اور اپنے عروج، عزّت اور وقار کا متمنّی ھوتا ھے۔ چونکہ مریض یہ نھیں جانتا کہ کونسی دوا میری بیماری کا علاج ھے اس لئے وہ کسی حکیم کے پاس جاتا ھے۔ اسی طرح جب آدمی کا نفس غالب، روح بیمار اور مغلوب ھو تو اس کے علاج کے لئے ھمیں کسی روحانی حکیم کے پاس جانا پڑتا ھے۔ قرآن پاک میں ارشاد ھے۔ فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ (سورة النحل۔ 43 اور سورة الأنبياء۔ 7) پس اھل ذکر کے پاس جاؤ جو کچھ تم نھیں جانتے حاصل کرو۔ اب جو باری تعالی نے اھل ذکر کی طرف جانے کا ارشاد فرمایا تو اس سے صاف ظاھر ھے کہ ذاکر سے ذکر حاصل کرنا مقصود ھے۔ یہی ذکر روحانیت کو تقویت اور دل کو اطمینان بخشنے والی چیز ھے جیسا کہ قرآن پاک میں ارشاد ھے أَلَا بِذِكْرِ اللَّهِ تَطْمَئِنُّ الْقُلُوبُ (سورة الرعد۔ 28) 'خبردار اللہ کے ذکر سے قلب اطمینان میں آتا ھے یعنی قلب مطمئن ھو کر روج کو تقویت حاصل ھوجائے گی۔ وھی روحانیت جو کمزور ھو چکی تھی۔ جیسا کہ ارشاد باری تعالی ھے خَتَمَ اللَّهُ عَلَى قُلُوبِهِمْ وَعَلَى سَمْعِهِمْ وَعَلَى أَبْصَارِهِمْ غِشَاوَةٌ وَلَهُمْ عَذَابٌ عَظِيمٌ (سورة البقرة۔ 7) یعنی باری تعالی فرماتے ھیں کہ یہ ایمان لانے کے قابل ھی نہیں ھیں۔ ان کو کہنا یا نہ کہنا برابر ھے کیونکہ ان کے دلوں پر مہر لگادی گئی ھے، ان کی سماعت پر مہر لگادی گئی ھے، ان کی بصارت پر مہر لگادی گئی ھے، ان پر موٹے پردے چڑھا دیئے گئے ھیں اور ان کے لئے سخت عذاب ھے۔
شان نزول: جن آدمیوں کے متعلق ارشاد گرامی ھے ابو جہل، ابو لہب وغیرہ۔ ھر آدمی جانتا ھے کہ ان کی آنکھ، کان، زبان سب صحیح حالت میں تھے۔ وہ سنتے بھی تھے، دیکھتے بھی تھے، باتیں بھی کرتے تھے۔ لیکن باری تعالی فرماتے ھیں کہ نہ سنتے ھیں، نہ دیکھتے ھیں تو صاف ظاھر ھوتا ھے کہ باطنی کان، آنکھ اور زبان اور ھے جو سر بمہر کردی گئی تھی۔ جن کے باطنی کان، آنکھ، زبان بند ھوجائیں ان کے متعلق باری تعالی فرماتے ھیں کہ وہ توحید و رسالت کا صحیح فائدہ حاصل نہیں کر سکتے۔ ذرا ھم بھی اپنے گریبان میں منہ ڈال کر دیکھیں کہ کیا ھمارے کان، آنکھ اور زبان وغیرہ صحیح ھیں یا ھم بھی ان ھی کے ساتھ ھیں۔ اگر ھمارے یہ حواس کھلے نہیں ھیں تو دنیا میں ھر آدمی کا اوّلین فریضہ یہ ھے کہ ان کو کھولنے کی کوشش کرے۔ یہی ھمیں پیر سے درکار ھے تاکہ ھماری باطنی سماعت، بصارت اور گویائی وغیرہ صحیح ھوجائیں۔ اس سماعت اور بصارت کا ثبوت قرآن پاک اور احادیث میں موجود ھے جیسا کہ حضرت سلیمان علیہ السلام کے غلام آصف بن برخیا اپنی جگہ پر بیٹھے ھزاروں میلوں سے بلقیس کا تخت دیکھ سکتے ھیں اور اٹھا کر لا سکتے ھیں۔ یہی وہ بصارت ھے جو ھمیں پیر سے درکار ھے۔ حضرت عمر رضی اللہ تعالی عنہ منبر رسول صلی اللہ علیہ وسلم پر کھڑے ھوکر “یا ساریۃ الجبل” کہ کر ساریہ تک اپنی آواز پہنچا سکتے ھیں۔ یہ ھی گویائی ھمیں پیر سے درکار ھے۔ اور حضرت سلیمان علیہ السلام نے کئی میلوں سے چیونٹی کی آواز سن لی جو اپنے لشکر کو کہ رھی تھی يَا أَيُّهَا النَّمْلُ ادْخُلُوا مَسَاكِنَكُمْ (سورة النمل۔ 18) "اے چیونٹیو! اپنے گھروں میں داخل ھو جاؤ کیونکہ حضرت سلیمان علیہ السلام کا لشکر آرھا ھے۔” حضرت سلیمان علیہ السلام چیونٹی کی آواز سن کر اس کی بات پر ہنس پڑے۔ بس یہی سماعت ھمیں پیر سے درکار ھے۔
اس کا علاج اھل ذکر نے کیا تو معلوم ھوا کہ منشاء ایزدی یہی ھے کہ اللہ والوں کے پاس جاکر ان سے اپنی روحانیت کی مقوّی دوا حاصل کرو۔ یہی شیخ سے حاصل کرنے کا نام پیری مریدی ھے۔
بجائے روحانی مقوّیات کے، روحانیت کو کمزور کرنے والی دوا دینے والا حکیم اگر کامل ھوسکتا ھے تو غیر شرع بزرگ سب کامل ھیں ورنہ روحانیت کو طاقت دینا ھی اصل فریضۂ شیخ ھے۔ حضور صلی اللہ علیہ وسلم کے متعلق باری تعالی نے ارشاد فرمایا كَمَا أَرْسَلْنَا فِيكُمْ رَسُولًا مِنْكُمْ يَتْلُو عَلَيْكُمْ آَيَاتِنَا وَيُزَكِّيكُمْ وَيُعَلِّمُكُمُ الْكِتَابَ وَالْحِكْمَةَ وَيُعَلِّمُكُمْ مَا لَمْ تَكُونُوا تَعْلَمُونَ (سورة البقرة۔ 151)
یعنی حضور صلی اللہ علیہ وسلم چار علوم سکھانے کے لئے دنیا میں تشریف لائے جس میں (1) تزکیۂ نفس (2) علم کتاب یعنی قرآن پاک (3) وَالْحِكْمَةَ یعنی علم لدنّی (4) جو کجھ تم نہیں جانتے۔ یہ ھی ورثہ پیران عظام کا ھے۔ ھر مرید کو اپنے پیر سے یہ چاروں علوم درکار ھیں۔ جن میں روحانیت کے مقوّیات یعنی (1) عبادت، ذکر وغیرہ (2) روحانیت کے اسرار (3) روحانیت کے مشاھدات (4) روحانیت کے عروج و ارادت وغیرہ یعنی روحانیت کو کامل کرنا شامل ھے۔
قلب: یہ ساری چیزیں چونکہ قلب اور روح سے ھی حاصل ھوتی ھیں۔قلب کا مقام جسم میں جتنا اھم اور ضروری ھے اسی طرح تمام عبادات اور ذکر میں ذکر قلبی ضروری ھے۔
انسان کے جسم میں قلب کی اھمیت: انسان کی زندگی کا انحصار قلب پر ھے۔ انسان کے دوسرے اعضاء ایک ایک کر کے اگر نہ بھی ھوں یا بیمار ھوں تو انسان کی زندگی ممکنات میں سے ھے۔ لیکن اگر قلب نہ ھو باقی تمام جسم صحیح سلامت ھو تو آدمی زندہ نھیں رہ سکتا۔ زندگی کا دارومدار صرف قلب پر ھے۔ قلب ایک ایسی چیز ھے جب سنور جاتا ھے تو سارا بدن سنور جاتا ھے، جب بگڑ جاتا ھے تو سارا بدن بگڑ جاتا ھے۔ قلب کا سنورنا پرھیزگاری، حق تعالی پر توکّل، اس کی توحید اور اعمال میں اخلاص پیدا کرنے سے ھے۔ قلب گویا پرندہ ھے بدن کے پنجرہ میں، گویا موتی ھے ڈبّے میں، گویا مال ھے صندوق میں۔ پس اعتبار پرندہ کا ھے پنجرہ کا نھیں، اعتبار موتی کا ھے ڈبّے کا نھیں اور اعتبار مال کا ھے صندوق کا نھیں۔
اے اللہ! ھمارے اعضاء کو اپنی اطاعت اور قلوب کو اپنی معرفت میں مشغول فرما اور مدّت العمر ساری رات اور سارے دن اسی میں مشغول رکھ اور ھم کو شامل فرما نیکوکار اسلاف کے ساتھ اور ھم کو نصیب فرما جو ان کو نصیب فرمایا تھا اور ھمارا ھوجا جیسے ان کا ھو گیا تھا!
روح: یقین کے پاؤں، ایمان کا کامل ھونا، یقین کا قوی ھونا، صدق کے بازؤں پر پر لگ جانا اور قلب کی آنکھیں کھل جانا یہ تب ھی ھوتا ھے جب روح پوری قوّت میں آجاتی ھے۔ جب آدمی یہ سمجھ لیتا ھے کہ آدمی کا دارومدار صرف روح سے ھی ھے۔ پہلے روح ھی تھا۔ جب جسم میں روح مقیّد نہ تھا تو نہ اس کا باپ نہ ماں، نہ بیٹا نہ بہن، نہ بیوی نہ کوئی رشتہ دار۔ نہ ھی کسی کا بیٹا، بھائی اور رشتہ دار تھا۔ یہ رشتہ داری وغیرہ سب جسم سے وابستہ ھے۔ جب جسم کا لباس اتر جائے گا تو ویسا ھی ھو جائے گا، کوئی رشتہ دار وغیرہ نہ رھے گا۔ روح اپنے رب کی طرف لوٹے گی۔ اگر قوی ھے تو رب تک پہنچے گی، اگر کمزور ھے تو سزا کی مستحق ھوگی۔
دنیا میں جس نے روح کو قوی کیا اس نے منشاء ایزدی حاصل کیا اور جس نے روح کو کمزور اور نفس کو قوی کیا اس نے خدا کے غصّے کو دعوت دی اور اپنا ٹھکانہ جہنّم بنایا۔
اے اللہ تعالی! ھماری روحوں کو تقویت دے تاکہ تیری جناب تک رسائی حاصل کرسکیں اور جن لوگوں پر تو نے انعام کیا ان کے راستے پر چلا اور دنیا اور آخرت کی تکالیف ھم سے دور فرما۔ صدقہ حضور صلی اللہ علیہ وسلم۔ اپنی محبت اور حضور صلی اللہ علیہ وسلم کے عشق میں ایسا محو کر کہ ما سوا تیرے کسی کی خبر نہ رھے! آمین، ثمّ آمین!

احکام خداوندی اور روحانیت

2008-02-03T09:25:00.000+05:00

احکام خداوندی اور روحانیت

آدمی کا انحصار دو چیزوں پر ھے۔ (1)جسم عنصری (2) روح۔ اب دونوں کی تقویت ان کی مناسب غذا پر منحصر ھے۔ جسم عنصری کو عناصر اربعہ کی پیداوار ھی تقویت دے سکتی ھے۔ جس طرح ھم گندم، پھل یا مرغّن غذاؤں سے جسم کو تندرست و توانا کرتے ھیں تو وہ مضبوط ھو جاتا ھے۔ اسی طرح روحانی جسم یا روحانیت کی غذا نورانیت ھے۔ جس طرح جسم عنصری کی غذا اس کے اصل عناصر یعنی عناصر اربعہ کی پیداوار ھے اس طرح روح کی غذا اس کے اصل یعنی اللہ تعالی کے احکام کی بجا آوری میں ھے۔ جیسا کہ باری تعالی نے فرمایا۔ يَا أَيُّهَا النَّاسُ اعْبُدُوا رَبَّكُمُ الَّذِي خَلَقَكُمْ (سورة البقرة۔ 21) 'اے لوگو! اپنے رب کی عبادت کرو جس نے تمہیں پیدا کیا'۔ گویا جس کی صرف سے روح ھے اس کی طرف سے اس کی غذا عبادت یا احکام خداوندی کی بجا آوری ھے جو کہ نور ھیں۔ وھی روج کو تقویت دیتے ھیں۔ عبادت یا ذکر جس سے روحانیت قوی ھوتی ھے یہ سب احکام خداوندی سے ھے۔ اسی سے پرھیزگاری اور ھدایت نصیب ھوتی ھے جو کہ روح کو تقویت دے کر روح کی اصل یعنی باری تعالی کی طرف لے جاتی ھے جیسا کہ باری تعالی نے فرمایا۔ مَا آَتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا (سورة الحشر۔ 7) 'جو چیزیں حضور صلی اللہ علیہ وسلم لے آئیں ان کو پکڑ لو اور جن سے حضور صلی اللہ علیہ وسلم منع فرمائیں ان کو چھوڑ دو۔' اس سے روح طاقتور بن سکے گی اور اپنے اصل یعنی اللہ تعالی کی طرف لوٹ سکے گی اور خدا تک رسائی حاصل کر سکے گی۔ ان ھی احکام خداوندی کو جن کی حضور صلی اللہ علیہ وسلم تاکید فرماتے ھیں، شریعت کہتے ھیں۔ اور یہی شریعت خدا تک پہچانے میں معاون ھے۔ جو لوگ یہ سمجھتے ھیں کہ شریعت یا احکام خداوندی روحانیت سے الگ ھیں تو گویا وہ روحانیت کو کمزور کر رھے ھیں جس کے نتیجے میں نفس تقویت پکڑ جائے گا۔ جب نفس غالب آجائے گا، روح مغلوب ھو جائے گی تو نفس پرستی ھی نفس پرستی رہ جائے گی۔ پس ثابت ھوا کہ شریعت یا احکام خداوندی اور روحانیت لازم و ملزوم ھیں۔ ان کا جدا کرنا باعث ھلاکت اور گمراھی ھے۔
روحانیت کی غذا اللہ تعالی کے اوامر ھیں اور انہیں ھی شریعت کہتے ھیں۔ پس ثابت ھوا کہ شریعت روحانیت کی غذا ھے۔ جس نے شریعت اختیار کی، روحانیت کو قوی کیا۔ جس نے شریعت سے منہ موڑا، روحانیت کو کمزور کیا اور اپنے پروردگار سے منہ موڑا۔ تو گویا روحانیت کی اصل شریعت ھے۔

آدمی کے عروج و زوال کا انحصار کس چیز پر ھے

2008-02-03T09:18:00.000+05:00

آدمی کے عروج و زوال کا انحصار کس چیز پر ھے

ھر انسان نفس اور روح سے مرک‍ّب ھے۔ جب نفس غالب آتا ھے تو نفس کے لوازمات اس پر سوار ھوجاتے ھیں۔ یعنی تمام نفسانی خواھشات کا ارتکاب عمل میں لایا جاتا ھے۔ نفس کی خواھشات سے ھی بغض، کینہ، حسد، بے حیائی، اسلام سے بے رغبتی، لڑائی، فساد، والدین کی بے ادبی، اسلام اور اس کے شعائر سے نفرت یا بے رغبتی پیدا ھوتی ھے۔ جب نفس سوار ھو جاتا ھے تو شہوت پرستی عام ھوجاتی ھے۔ آپ نے سنا ھوگا کہ جب شہوت یا غصّہ زور میں آتا ھے تو آدمی کا دماغ مفلوج ھو جاتا ھے۔ جب دماغ ھی مفلوج ھو گیا تو اس کی سوچ بچار، فہم و ادراک سب غلط راستے پر چل پڑتے ھیں۔ تو جے نے بھی نفس پرستی کی اس نے روحانیت کو کمزور کیا، اپنے اصل سے دور ھوا، اپنے آپ پر ظلم کیا، دوزخ کا ایندھن بنا اور اپنے آپ کو ناکارہ بنا لیا۔ باری تعالی اس پر بے روزگاری، بے عزّتی، بے حیائی، بیماری اور طرح طرح کے مصائب مسلّط کردیتے ھیں۔ گویا نفس کا غلبہ اور روحانیت کی کمزوری اس کے زوال کا سبب ھے۔ اب دوسرا جزو روح ھے۔ روح کو روح کی غذا یعنی عبادت، ذکر، نماز، روزہ، حج، زکوة وغیرہ سے تقویت حاصل ھوتی ھے۔ جب نفس مغلوب ھوا تو تمام نفسانی خواھشات اور حرکات سے بچ نکلا۔ صرف روح کی غذا باقی رہ گئی، روح قوی ھوتی چلی گئی اور اپنے اصل کی طرف لوٹنا شروع کیا۔ پاکیزگی، حیاداری، صدق و صفا اور ادب اس کا شعار بنا۔ اسلامی شعائر کو تقویت حاصل ھوئی جس کے سبب حضور نبی کریم صلی اللہ علیہ وسلم راضی ھوئے۔ روحانیت کامل ھوئی، روحانیت اپنے اصل یعنی اللہ تعالی کی طرف لوٹی۔ اس کی طرف مدد حاصل ھوئی۔ بلند درجات ملے۔ اس کے زوال کا خاتمہ ھوا اور عروج نصیب ھوا۔ اللہ تعالی اس سے محبّت کرنے لگے اس طرح اس کو تمام دنیا و عقبی میں سرفرازی ھوئی۔ جب روح خدا اور رسول صلی اللہ علیہ وسلم کے عشق میں مستغرق ھوئی تو ان کے تاثر سے تمام بیماریوں سے شفا اور عروج شروع ھو جاتا ھے۔ تو معلوم ھوا کہ روح کی تقویت ھی عروج کا سبب ھے۔ روح کی کمزوری زوال کا باعث ھے۔ گویا آدمی کے عروج و زوال کا انحصار روحانیت پر ھے۔ روح کی تقویت سے دل قوی ھو جاتا ھے، دماغ قوی ھو جاتا ھے۔ جس سے اس کی سوچ بچار، فہم و ادراک قوی اور صحیح ھو جاتا ھے۔ اب جب کہ اس کا فہم و ادراک صحیح ھے تو وہ زوال کی طرف نہیں جائے گا بلکہ اس کا عروج لازم و ملزوم ھے۔ ساتھ چونکہ روحانیت وابستہ ھے اس لئے وہ اللہ تعالی کی طرف لائے گی اور روحانیت کے کامل ھونے کی وجہ سے عروج اس کا مقدّر بن جائے گا۔ گویا نفس کا غلبہ نیچے زوال کی طرف لےجائے گا اور روح کا غلبہ یا روحانیت اپنے اصل یعنی اللہ تعالی کی طرف لےجائے گا اور عروج اس کا مقدّر بن جاتا ھے۔ اس لئے عروج و زوال کا انحصار روج کی تقویت یا کمزوری پر ھے۔

دنیا کا رزق اور عزت کس چیز میں ھے؟

2008-02-03T09:09:00.000+05:00

دنیا کا رزق اور عزت کس چیز میں ھے؟

جب مخلوق میں سے کوئی آدمی اپنے خالق حقیقی کی طرف رغبت کرتا ھے اور اس کے نزدیک ھونا چاھتا ھے اس کی محبت میں سرشار ھوجاتا ھے اور اسی کو اپنا روزی دھندہ سمجھتا ھے۔ جب اس نے اپنے روزی دھندہ کو پھچان لیا تو باری تعالی اس کو بے حساب رزق عطا فرماتا ھے جیسا کہ قرآن پاک میں ارشاد فرمایا: وَاللَّهُ يَرْزُقُ مَنْ يَشَاءُ بِغَيْرِ حِسَابٍ (سورة البقرة212) جب انسان اللہ تعالی اور اس کے رسول صلی اللہ علیہ وسلم کی طرف رغبت اور تعلق قائم کرتا ھے، دنیاوی نجاست چھوڑ کر باکیزگی اختیار کرتا ھے اور اپنی روح کو عبادت سے تقویت دیتا ھے یا ذکر سے قوی کرتا ھے تو روح اپنی اصل یعنی اللہ تعالی کی طرف رجوع کرتی ھے۔ اللہ تعالی حدیث قدسی میں فرماتا ھے:"جو میری طرف ایک بالشت آتا ھے میں اس کی طرف ایک قدم آتا ھوں، جو میری طرف چل کو آتا ھے میں دوڑ کر آتا ھوں، جو دوڑ کر آتا ھے میں اسے خود لینے آتا ھوں اور اسے اپنا محبوب و مقرب بنالیتا ھوں" جو میرا بن جاتا ھے میں اس کا ھوجاتا ھوں، میری عزت اس کی عزت یا اس کی عزت میری ھوجاتی ھے۔ اسلئے باری تعالی فرماتے ھیں: وَتُعِز مَنْ تَشَاءُ وَتُذِلُّ مَنْ تَشَاءُ (سورة آل عمران-26) یعنی جس کو میں چاھتا ھوں عزت دیتا ھوں جسے چاھتا ھوں ذلت دیتا ھوں۔ وَاللَّهُ يَخْتَص بِرَحْمَتِهِ مَنْ يَشَاءُ (سورة البقرة-105)
اللہ تعالی جس کو اپنی رحمت سے مخصوص کرتے ہیں یا نوازتے ہیں اس پر خزانے کھول دیئے جاتے ہیں، رزق بے حساب کردیا جاتا ہے، عزت دوبالا کردی جاتی ہے، وقار بڑھا دیا جاتا ہے۔ تمام دنیا اس کی عاشق ہوجاتی ہے، اس کی نام لیوا بن جاتی ہے۔ جیسا کہ حدیث پاک میں ہے، 'جو میرا بن جاتا ہے میں آسمانوں اور زمینوں پر اور عالم ارواح میں منادی کروادیتا ھوں کہ میں نے اس سے محبت کی ھے۔ اے عالم ارواح کے لوگو، اے دنیا والو، اے فرشتو! تم سب اس کو محبوب بناؤ۔'
کیوں کہ اس نے اللہ تعالی کی عبادت سے اپنی روح کو تقویت دی۔اس نے روح کی غ‍ذائیں حاصل کرکے اپنی روح کو منور کیا۔ جب اس کی روحانیت بڑھ گئی اور نفس مغلوب ھو گیا۔ نفس امّارہ سے لوّامہ اور لوّامہ سے مطمئنّہ ھو گیا، وہ اللہ سے راضی اور اللہ اس سے راضی ھو گیا اور روحانیت کامل ھو گئی۔ اور دنیا کا رزق و عزت اس کے قدموں میں خود بخود آتا ھے جو کہ منشاء ایزدی ھے۔ یہ چونکہ اللہ تعالی کی رضا سے ھے۔ اب اگر یہ دیکھا جائے کہ صرف رزق تو کافروں کے پاس بھی ھے تو یہ باری تعالی کی فیّاضی ھے کہ اپنے منکر کو جس کا آخرت میں کچھ بھی حصّہ نہیں، دنیا کی چار روزہ زندگی میں اس کو رزق دیدیا۔ یہ کافروں اور منکروں کے لئے باعث رحمت نھیں بلکہ باعث زحمت ھے کیونکہ وہ اللہ تعالی کی طرف رغبت کرنے سے محروم ھے۔ اللہ تعالی کی فیّاضی سے جب کافر و منکر بھی استفادہ کرتے ھیں تو اس کے خزانہ غیب سے کس کے نام لیوا کب محروم رہ سکتے ھیں؟ جیسا کہ شیخ سعدی رحمۃ اللہ علیہ فرماتے ھیں:

دوستاں را کجا کنی محروم
تو کہ با دشمناں نظر داری

کسی کی فیّاضی قانون شکنی نہیں ھوا کرتی کیونکہ صحیح الفطرت قوی روحانیت اور محبوبیت والا شخص جس پر باری تعالی اپنے خزانے کھول دیتے ھیں، ایک طرف اس کا رزق و عزّت جو کہ اللہ تعالی کی مرضی کے مطابق ھے دوسری طرف مغضوب الیہ جس پر باری تعالی کا غضب ھے اور ھمیشہ ھمیشہ کے لئے جس کو اصل رزق، عزّت اور جنّت سے محروم کر دیا گیا۔ چند دن کی فیّاضی ھمیشہ کی راحت اور عزّت کے برابر نہیں ھو سکتی تو اصل رزق اور عزّت جو ھے وہ روحانیت والے کا ھے۔ بھلا یہ کس طرح ممکن ھے کہ ایک مجرم جس نے ساری عمر قید میں گزارنا ھے اس کی ایک روزہ عیش و عشرت کی زندگی کو اس شخص کے برابر قرار دے دیا جائے جو روحانیت کی تقویت سے جو کہ منشائے ایزدی ھے اللہ کے رزق و فضل کا مستحق بنتا ھے اور تا ابد رزق و عزّت حاصل کرتا ھے۔ کافر اس مجرم کی مانند ھے جس کو ایک دن بعد پھانسی ھوجائے گی اور مومن کی مثال ایک سدا بہار درخت کی ھے جو روحانیت کو تقویت دے کر مقبول بارگاہ الہی ھو کر دونوں جہانوں میں اس کی نعمتوں سے بہرہ ور ھوتا ھے۔

مسلمان اور نماز

2008-01-13T18:26:00.000+05:00

ھر ایک چیز کا عروج ھوتا ھے۔ جس چیز کی بدولت یہ عروج ھو وھی سر فہرست اور اھم ھوتی ھے۔ اسلام میں عروج نماز میں ھے۔ اسی لئے نماز مومن کی معراج ھے۔ اللہ اور بندے کے درمیان نماز ھی ایک ایسا مقام ھے جس میں بندہ اپنے مولا سے ھم کلام ھوکر اللہ کا دیدار اور حضور صلی اللہ علیہ وسلم سے رحمت و شفقت حاصل کرتا ھے۔ اصل میں نماز کی ضرورت تمام اسلام میں زیادہ اسلئے ضروری ھوئی کہ ابتدائے اسلام میں آپ جانتے ھونگے کہ جب کوئی آدمی اسلام کی دعوت قبول کرتا تو صرف لَا إِلَهَ إِلَّا اللَّهُ مُحَمَّدٌ رَسُولُ اللَّه پڑھتا اور مسلمان بن جاتا۔ اس پر اور کوئی فرض عائد نھیں تھا لیکن گناہ سے تائب ھونا فرض تھا۔ اسلام کی بنیاد ھی ممنوعات سے بچنا تھا۔ جو شخص فتل، زنا یا بری چیزوں سے توبہ کرتا وہ مسلمان ھوجاتا تھا۔ اب اسلام میں ممنوعات سے بچنا ھی زیادہ ضروری ھے۔ تو باری تعالی نے قرآن پاک میں فرمایا:الصَّلَاةَ تَنْهَى عَنِ الْفَحْشَاءِ وَالْمُنْكَرِ(سورة العنكبوت-45) یعنی نماز بے حیائی اور ممنوعات سے روکتی ھے۔ تو نماز نے ممنوعات سے بچنے میں مدد دی اور وھی فرض جو اسلام کیلئے ضروری تھا اسے پورا کرنے کی راہ ھموار کردی۔
نماز سنت انبیاء ھے۔ فجر کی نماز حضرت آدم علیہ السلام نے پڑھی۔ ظہر کی نماز حضرت ابراھیم علیہ السلام نے پڑھی۔ عصر کی نماز حضرت موسی علیہ السلام نے پڑھی۔ مغرب کی نماز حضرت عیسی علیہ السلام نے پڑھی۔ اور عشاء کی نماز حضور صلی اللہ علیہ وسلم نے ادا فرمائی۔ حدیث پاک میں مروی ھے کہ جس نے فجر کی نماز با جماعت ادا کی حضرت آدم علیہ السلام کے ساتھ بیس مقبول حج کئے۔ ظہر کی نماز با جماعت پڑھی تو حضرت ابراھیم علیہ السلام کے ساتھ چالیس مقبول حج کئے۔ عصر کی نماز سے حضرت موسی علیہ السلام کے ساتھ گویا ساٹھ مقبول حج کئے۔ مغرب کی نماز سے حضرت عیسی علیہ السلام کے ساتھ اسّی مقبول حج کئے۔ اور عشاء کی نماز با جماعت پڑھی تو گویا حضور صلی اللہ علیہ وسلم کی معیّت میں سو مقبول حج کئے۔ ذرا غور کیجئے، ایک حج پر جتنا خرچ آتا ھے اس سے بیس، چالیس، ساٹھ، اسّی اور سو حج پر آنے والے خرچ کا اندازہ لگائیے۔ جو شخص با جماعت نماز نہیں پڑھتا اس کا کتنا نقصان ھوتا ھے!
جب آدمی نماز پڑھتا ھے حدیث پاک میں ھے باری تعالی فرماتے ھیں کہ مجھے دیکھ کر پڑھے اور اگر وہ مجھے نہ دیکھ سکے تو یوں سمجھے کہ میں اسے دیکھ رھا ھوں۔(أن تعبد الله كأنك تراه، فإن لم تكن تراه فإنه يراك-صحيح البخاري) معلوم ھوا کہ نماز میں اللہ تعالی کا دیدار (جو کہ معراج کی علامت ھے) حاصل ھوتا ھے۔ حضور نبی کریم صلی اللہ علیہ وسلم فرماتے ھیں "نماز میری آنکھوں کی ٹھنڈک ھے۔" جب آدمی نماز پڑھتا ھے تو اس کے پچھلے گناہ بخش دیئے جاتے ھیں۔ حضور صلی اللہ علیہ وسلم نے فرمایا "جو شخص نھر میں پانچ دفعہ نھاتا ھے اس پر میل کیسے رہ سکتی ھے؟" پانچ دفعہ نھانے سے پانچ نمازیں مراد ھیں۔ باری تعالی ارشاد فرماتے ھیں کہ جب بھی کوئی مشکل آن پڑے تو صبر اور نماز سے کام لو۔
نماز ایک وجود رکھتی ھے جیسا کہ باری تعالی فرماتا ھے يَا أَيُّهَا الَّذِينَ آَمَنُوا اسْتَعِينُوا بِالصَّبْرِ وَالصَّلَاةِ (سورة البقرة-153) یعنی نماز اور صبر سے مدد حاصل کرو۔ معلوم ھوا کہ ھر مشکل کے وقت نماز مدد دیتی ھے۔ نماز دافع البلاء ھے۔ مشکل کشا ھے۔ یہ انسان کو اس کے مولا کے قریب کرتی ھے۔ ایسی چیز بھلا دین میں ایک ستون کی سی اھمیت کیوں نہ حاصل کرے۔ اسی لئے تو حضور صلی اللہ علیہ وسلم فرماتے ھیں "الصَّلَاةُ عِمَادُ الدِّین" یعنی نماز دین کا ستون ھے۔ اب جو شخص نماز سے درگزر کرتا ھے اس نے ابتدائے اسلام سے لے کر ایک بہت بڑے حصے سے روگردانی کی اور اتنی اھم چیز کو اپنے ھاتھ سے کھودیا۔ نہ اوامر میں کامل رھا، نہ منہیات سے بچ سکا اور اسلام کی روح سے بیگانہ رھا۔
نماز اندرونی بیرونی نجاست کو دور کرنے والی ھے، روح کو تقویت دینے والی ھے۔ کئی لوگ نماز کو صرف باطن کا نام دے کر دستبردار ھوجاتے ھیں۔ وہ سمجھتے ھیں کہ زبانی یا خیال سے خدا کو یاد کرنے کا نام نماز ھے حالانکہ نماز ایک وجود رکھتی ھے۔ اس کی اپنی ایک حد ھے۔ تکبیر تحریمہ سے لے کر سلام پھیرنے تک کا نام نماز ھے جس میں قیام، رکوع، سجود، جلسہ، قومہ، قعدہ سب چیزیں موجود ھیں۔ ایک نماز کا جسم ھے دوسری نماز کی روح ھے۔ نہ جسم روح کے بغیر مکمل ھے نہ روح جسم کے بغیر۔ دونوں کا کامل اتحاد ھی مکمل نماز ھے۔ کامل نماز تب ھی ھوسکتی ھے جب اس ظاھری فرض نماز میں خیال سے ذکر و فکر، روحانی، جسمانی طور پر سب چیزیں باری تعالی کے ساتھ منسلک ھوں۔ صرف ظاھری صرف باطنی نماز کے علمبرداروں کو جاننا چاھیئے کہ ھر دو صرف صورت میں الجھے ھوئے ھیں۔ دونوں معنی سے دور ھیں۔ نماز ذکر سے مل کر معنی کی نماز بن جاتی ھے۔ اور جو ذکر نماز کے اندر ھو وہ معنی کا ذکر ھے۔
اگر نماز میں کسی ایک چیز کی بھی کوتاھی ھوگی تو نماز کامل نہیں۔ ظاھری اور باطنی نماز اسی کا نام ھے۔ وہ نماز کیوں نہ کامل و اکمل ھو جو با وضو ھوکر پاک جگہ پر قبلہ رو ھوکر قیام و رکوع و سجود میں پڑھی جائے اور ساتھ ھی ساتھ خدا کی یاد سے نمازی کا دل بھی آباد ھو۔ باطن اور ظاھر کی اکٹھی نماز پڑھے۔ جو لوگ دل میں خدا کی یاد ھی کو کامل نماز سمجھتے ھیں وہ حقیقی نماز کے قیوض و برکات سے بے بہرہ ھیں۔ یہی ذکر فکر اگر نماز کے اندر پایا جائے تو بہتر ھے۔ جب رکوع و سجود والی نماز میں روحانی طور پر خدا کو یاد کرے تو یہ کامل نماز ھے۔ اس سے روح تازہ ھوتی ھے اور اپنے اصل یعنی اللہ تعالی کی طرف لوٹنے میں کامیاب ھوجاتی ھے تو یہی مومن کی معراج ھے۔ روحانیت سے ھی نماز شرف قبولیت حاصل کرتی ھے۔

ایمان اور حضور صلی اللہ علیہ وسلم کی محبت

2008-01-13T18:15:00.000+05:00

تمام جہانوں میں اور عالم کبیر کے ھر ذرے میں اللہ تعالی کی نورانیت ظاھر ھوتی ھے۔ ان تمام انوار کو اکٹھا کرکے باری تعالی نے عالم صغیر یعنی آدمی میں رکھ دیا۔ اسلئےتمام مخلوق سے آدمی افضل ھے۔ اس میں عالم کبیر کے صفات ظاھر ہیں۔ گویا کہ باری تعالی نے دریا کو کوزے میں بند کر دیا۔ اب تمام انسانوں کی نورانیت کو یکجا کرکے ایک ولی میں رکھ دیا۔ تمام ولیوں کی نورانیت کو یکجا کرکے ایک غوث میں رکھ دیا اور تمام غوثوں کی نورانیت کو ایک مجدد میں رکھ دیا۔ تمام مجددوں کے نور کو اکٹھا کرکے ایک صحابی میں رکھ دیا۔ تمام صحابہ کے نور کو اکٹھا کرکے ایک چھوٹے نبی علیہ السلام میں رکھ دیا۔ تمام نبیوں کی نورانیت کو ایک رسول علیہ السلام میں رکھ دیا اور تمام رسولوں کے نور کو اکٹھا کرکے حضور نبی کریم صلی اللہ علیہ وسلم میں رکھ دیا۔ گویا حضور صلی اللہ علیہ وسلم تمام نورانیت کا مجموعہ اور جڑ ہیں۔
جیسا کہ ایک درخت کی جڑ تمام شاخوں اور پتوں کو غذا دیتی ھے اس طرح نبی کریم صلی اللہ علیہ وسلم تمام افراد امت کو ایمانی تقویت بخشتے ہیں۔ جس طرح کہ اگر ایک پتّہ یہ دعوی کرے کہ میں جڑ سے تعلق رکھے بغیر سر سبز رہ سکتا ھوں تو یہ دعوی باطل ھوگا اور وہ جڑ سے تعلق منقطع کرکے سر سبز نہیں رہ سکتا۔ اسی طرح کوئی بھی انسان حضور صلی اللہ علیہ وسلم سے تعلق توڑ کر مسلمان یا مومن نہیں بن سکتا۔ جتنا تعلق اور محبت زیادہ ھوگی اتنا ھی ایمان قوی ھوگا۔
جب آدمی کلمۂ طیبہ پڑھ لیتا ھے تو دائرہ اسلام میں داخل ھو جاتا ھے، مسلمان بن جاتا ھے۔ جب اسلامی ارکان پورے کرکے اسلام میں مکمل ھو جاتا ھے تو مومن بن جاتا ھے۔ جب اس کا ایمان قوی ھوجاتا ھے تو موقن بن جاتا ھے۔ جب اس کا یقین کامل ھوتا ھے تو محب بن جاتا ھے۔ جب محبت اور عشق میں کامل ھوجاتا ھے تو باری تعالی اسے اپنا محب اور مقرب بنالیتے ھیں۔
اسلامی ارکان کامل کرکے ایمان میں قوی ھونا صرف حضور صلی اللہ علیہ وسلم کی محبت پر منحصر ھے۔ جتنی حضور صلی اللہ علیہ وسلم سے محبت، اتنا ھی قوی ایمان۔ جتنی کم محبت اتنا ھی ایمان کمزور جیسا کہ بخاری شریف کی حدیث شریف میں ھے حضور صلی اللہ علیہ وسلم نے فرمایا (لاَ يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ وَالنَّاسِ أَجْمَعِينَ) یعنی "اے صحابہ! تم میں سے کوئی بھی ایماندار نہیں ھوسکتا یہاں تک کہ اس کی محبت میرے ساتھ ھو۔ محبت اولاد سے، والدین سے، مال سے، تمام دنیا سے، تمام کائنات سے زیادہ ھو۔" تو معلوم ھوا کہ حضور صلی اللہ علیہ وسلم کی محبت میں کامل ھونا ھی ایمان کی تکمیل ھے۔
جب حضور صلی اللہ علیہ وسلم کی محبت بڑھ جاتی ھے تو باری تعالی اس کا ھاتھ پکڑلیتے ہیں۔ وہ کامل ولی، غوث اور مجدد ھوجاتا ھے۔ باری تعالی ارشاد فرماتے ہیں " قُلْ إِنْ كُنْتُمْ تُحِبُّون اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ" (سورة آل عمران-31)۔ جب حضور صلی اللہ علیہ وسلم سے محبت ھوجاتی ھے تو اتباع کرنا آسان ھوجاتا ھے۔ جب حضور صلی اللہ علیہ وسلم کا اتباع میسر آجائے تو باری تعالی کی محبت میں کامل ھوجاتا ھے۔اور اس کے تمام گناہ بخش دیئے جاتے ہیں۔ تو حضور صلی اللہ علیہ وسلم کی محبت حاصل کرکے گویا اس نے خدا کی محبت، گناھوں سے بخشش اور خدا کو راضی کرنا سب کچھ حاصل کرلیا۔ گویا تمام اسلام کا انحصار حضور صلی اللہ علیہ وسلم کی محبت پر ھے۔ اسی سے روح کو تقویت حاصل ھوتی ھے۔ جب روحانیت غالب آتی ھے اور اپنے اصل یعنی اللہ تعالی کی طرف لوٹتی ھے اللہ تعالی اس پر راضی ھوجاتا ھے۔ رَضِيَ اللَّهُ عَنْهُمْ وَرَضُوا عَنْهُ۔ اللہ ان سے راضی اور وہ اللہ سے راضی ھوجاتے ہیں۔

اللہ اور بندے کا تعلق

2008-01-11T23:50:00.000+05:00

دنیا کا ھر واحد عنصر دراصل مرکب کا حامل ھوتا ھے۔ جیسے ریت کا ایک ذرہ جو بظاھر مفرد یا واحد نظر آتا ھے اس میں بھی کئ چیزوں کی آمیزش ھوتی ھے۔ کوئ واحد اور منفرد (مخلوق میں سے) آمیزش سے خالی نہیں۔ صرف اللہ تعالی کی ذات ھی واحد، احد، یکتاو یگانہ و بے مثل و بے نظیر ھے۔ وہ ایسا واحد اور احد ھے جو آمیزش سے پاک ھے۔ اس کا کوئ شریک نہیں ھو سکتا کیونکہ یہ فطری طور پر ناممکنات میں سے ھے۔ ھمارے پروردگار کا ذاتی نام (اسم اللہ) ھی وحدانیت کا حامل ھے۔
اسم اللہ کے حروف ایک ایک کر کے ھٹانے بھی آخری حرف تک اس کا نام اور ذات باقی رھتے ھیں۔ دنیا میں کسی بھی مخلوق کا نام لے لیجۓ اس کا ایک یا دو حروف ھٹانے سے نہ تو اس کا صحیح نام رھتا ھے اور نہ ذات کے ساتھ تعلق باقی رہ سکتا ھے مثلا نذیر کا "ن" دور کرنے سے ذیر رہ گیا۔ اب نہ اسم نذیر ھی رھا اور نہ ھی ذات کے ساتھ ذیر کا کوئ تعلق رھ گیا۔ تمام مخلوق کے ناموں کا یہی حال ھے۔ لیکن اسم اللہ کا ایک ایک حرف ھٹا کر دیکھۓ۔ نام بھی باقی رھے گا اور ذات سے تعلق بھی قائم رھے گا۔
مثلا اسم اللہ کا الف دور کرنے سے "للہ" رہ جائیگا۔ نام بھی پورا ھے اور ذات سے تعلق بھی موجود ھے۔ جیسے لِلَّهِ مَا فِي السَّمَاوَاتِ وَالْأَرْضِ۔ اب "للہ" کا "ل" دور کرنے سے "له" رہ جائیگا۔ جیسے قرآن پاک میں ھے لَهُ مَا فِي السَّمَاوَاتِ وَالْأَرْضِ۔ اب اس کی ذات سے تعلق بھی قائم ھے اور نام بھی ظاھر ھوتا ھے۔ اب "ل" ھٹانے سے "ہ" (ھو) باقی رہ جائیگا جیسے قرآن پاک میں ھے هُوَ اللَّه الَّذِي لَا إِلَهَ إِلَّا هُوَ۔ اب هُوَ جو ضمیر متصل ھے اپنی ذات کی طرف راغب ھے۔ پس ثابت ھوا کہ باری تعالی کا نام ھی اپنی ھی وحدانیت کا علمبردار ھے۔
اب روح "امر ربی" ھے جو مخلوق کی طرف راغب ھے۔ جب اللہ تعالی نے آدمی کو پیدا فرمایا تو اس میں اپنی روح پھونکی جیسا کہ ارشاد ھوتا ھے "وَنَفَخْت فِيهِ مِنْ رُوحِي"۔ یعنی میں نے پھونک دی اس میں اپنی روح۔ اب چونکہ روح اللہ تعالی کی ھے اسلئے اللہ تعالی فرماتا ھے كَيْف تَكْفُرُونَ بِاللَّهِ وَكُنْتُمْ أَمْوَاتًا فَأَحْيَاكُمْ ثُمَّ يُمِيتُكُمْ ثُمَّ يُحْيِيكُمْ ثُمَّ إِلَيْهِ تُرْجَعُونَ (سورة البقرة 28) یعنی تم کیسے اللہ کے منکر ھوجا‏ؤ گے حالانکہ تم مردہ تھے اس نے تم کو زندہ کیا پھر تم کو مارے گا، پھر تمھیں زندہ کرے گا پھر تم اس کی طرف لوٹائے جاؤ گے۔
پس ثابت ھوا کہ آدمی کا آنا اللہ تعالی کی طرف سے ھے۔ اور واپس لوٹنا بھی اللہ تعالی کی طرف ھے۔ تو معلوم ھوا کہ اللہ تعالی کی طرف رغبت اور محبت کے سوا چارہ نہیں۔ جتنی زیادہ محبت اتنا ھی اپنے اصل کی طرف راجع، جتنی محبت کم اتنا ھی اصل سے دور، جس نے بالکل ھی چھوڑ دیا، اس نے گویا اپنے اصل کو چھوڑ دیا اور اپنی جان پر ظلم کیا۔ اسلئے دوزخ لازم آئے گا۔ کیونکہ اس نے اپنی جان کو اپنے اصل سے جدا کیا۔ اگر اپنے اصل کی طرف رغبت کی تو کامیابی، عزت اور وقار اس کے قدموں پر ھے۔
چونکہ انسان کا اصلی جوھر روح ھے اور روح اللہ تعالی کا امر ھے اسلئے نہ خالق ھے نہ مخلوق ھے۔ یہ اللہ اور اس کے بندے کے درمیان واسطہ ھے۔ گویا خالق اور مخلوق کے درمیان امر اس کا واسطہ ھے اسلئے اس کو افضل المخلوق کہا گیا ھے۔ اور سب سے بڑا واسطہ، سب سے بڑا تعلق اللہ اور بندے کے درمیان روح ھی ھے۔ اسی واسطے سے بندہ اللہ تعالی تک رسائی حاصل کر سکتا ھے۔ اور جتنی روحانی قوت یا روحانیت کمزور ھوگی اتنا ھی اپنی اصل یعنی اللہ تعالی سے دور ھوتا چلا جائیگا۔ پس ثابت ھوا کہ انسان کا وقار، عزت، دین و دنیا سب کچھ روحانیت ھی پر منحصر ھے۔

Hazrat Mazhar Ihsan

2008-01-09T07:53:00.000+05:00

Muhammad Mazhar Ihsan Naqshbandi mujaddidi Rehmatullah Alaih

Urs Mubarak:

3 Rabee-ul-Awwal Shareef and18 Zil Hajj
Urs Mubarak is held at Daira-e-Muhammadi, Chuck # 335, Choak Azam, Layya Shareef, Punjab, Pakistan.

Teachings:

Zikrullah is the main thing with the love of Holy Prophet (Peace be upon him) and with the love of his Family (Ihl-e-Bait-e-Uzzam) and with the love of his friends (Sahaba-e-Kira'm) and with the love of Makkah and Madina Shareef in the heart.

The way of success is only the one: To follow the last Prophet Hazrat Muhammad (Peace be upon him). This is the way to Janna and the way to the Creator of Janna Allah Jalla Shanahu.
The heart is the main thing in the Roohaniat. If the heart is ok then the whole body and its acts and deeds are ok.

Qibla Hazrat Mazhar Ihsan Naqshbandi Mujaddidi Rehmatullah Alaih (1357-1420 Hijri) was a great wali-ullah. We all love him. A great Mujahid, Mujaddid and a great Lover of the UMMA. He said Labbaik to Ajal on 18 Zil Haj 1420 Hijri came on 25-03-2000. Urs is held at Mazar Shareef at DAIRA-E-MUHAMMADI, CHUCK # 335, CHOAK AZAM, LAYYA SHAREEF, Punjab, Pakistan at 03 RABEEUL AWWAL SHAREEF.

Sahibzada Mian Zafar Sahib is now his Janasheen.

Contact Mob. 92 0300-7207477 / or contact at 0333-3257915

Email: ZMHassan2003@yahoo.com / or email at saleemnoori@gmail.com